Le projecto OmegaT e tu

OmegaT non es justo un producto; illo es un excitative projecto, e tu pote esser parte de illo.

OmegaT es un software gratuite. Cello significa que le usatores como tu es libere de lo discargar e usar con restrictiones multo parve. Tu es alsi libere de lo copiar e de lo distribuer a altere gente

OmegaT es un software open-source. Illo significa que si tu senti assi propense, tu pote modificar OmegaT pro lo adaptar a tu proprie requisitos. Pro le advocatos del software open-source, iste libertate es etiam plus importante que le dispensa ipse de deber pagar alicun cosa.

Le projecto OmegaT beneficiarea de major supporto ex le voluntarios in quasi omne le areas. Etiam si multe usatores es al currente de isto, lor reaction is frequentemente "Ma io non pote programmar!". Programmar es certemente le function le plus importante, e sin programmation, non ha nulle programma, ma le programmation non es le sol labor que necessita facer. In basso il ha un lista de areas pro le qual esserea plus que benvenite nove voluntarios!

Composition del documentation

Le documentation es multo importante. Multes de vos que lege isto essera traductores qui ha rendite un quantitate de documentation pro le usatores. Ha, vos mesme, considerate de scriber alicun documentation del usator? Illo es un real aperitor de oculos!

Localisation

Gratias al labor del translatores in le passato, le interfacie del usator de OmegaT e le textos del Adjuta esseva rendite in plures linguas. Illo significa que sol alicun milles remane! Le localisation de OmegaT in altere linguas es etiam un labor currente, post que on adde semper nove characteristicas e functiones. Vide le Guida al Localisation de OmegaT pro detalios re quod es implicate in le localisation/traduction de OmegaT.

Probas

Uno del plus utile cosas que le usatores de OmegaT pote facer es... usar OmegaT. E quando illes trova cosas que non functiona, o deficientias in le documentation, narrar nos re illos.

Programmation (Java)

OmegaT es scripte in Java. Si tu es un programmator e te accide de cognoscer Java, nos amara audir te. Si non...

Programmation (non Java)

... il non es in nulle modo le caso que omne le necessitates de programmation sia producite in Java. Si tu pote programmar in un altere lingua, tu pote scriber codice a supporto del application principal. Simile codice auxiliar per exemplo esseva scripte jam in Star Basic e Tcl/Tk. Ma io audi te dicer: io non pote programmar del toto! Ben, ha tu considerate lo apprender? Si tu es jam rationabilemente familiar con le computatores in general e selige un candide linguage de script como Tcl/Tk, tu poterea apprender bastante a poter scriber simple ma utile scripts, intra solmente un par de septimanas. Continuar le disveloppamento professional es le actual termino de moda!

Le publicitate

Ha tu unquam scripte an articulo pro le jornal de tu association professional? Si non, perque non scriber un articulo re le uso de OmegaT?

Donationes

Si tu ha trovate OmegaT utile e amarea exprimer tu gratitude per un donation, va al pagina OmegaT SourceForge e clicca super "Dona".