Requisitos

Requisitos del systema

OmegaT essera habitualmente exequite sur omne le systema operative sur le qual on pote installar un convenibile version del Java Runtime Environment (JRE). Le JRE es ora supplite con OmegaT, on non debe lo obtener separatemente. OmegaT esseva installate con bon successo sur Windows (tote le versiones a partir de Windows 98 in avante), Macintosh OS X e Linux. 

On pote render, directemente in OmegaT, le files in formato Microsoft Office XML. On pote alsi render le files in senior formatos MS Word, Excel e Powerpoint con le previe conversion al equivalente actual formatos Microsoft Office, o alias al formato Office Open XML, como on pote facer in OpenOffice.org o LibreOffice (alsi gratuite). Pro obtener OpenOffice.org o LibreOffice, seque le ligamine ex le button " Software de tertie partes" sur le sinistra.

Requisitos del usator

OmegaT non es particularmente difficile a installar o usar, ma illo require bon voluntate pro leger e sequer le instructiones. Si tu ha un natural aversion al lectura del instructiones, e tu approche a nove software es de cliccar sur cata button tu vide usque alicun cosa resimilante al effecto desiderate occurre, alora OmegaT non es probabilemente convenibile pro te.